ҚАРОРДОД ИСТИФОДАБАРАНД

барои дастрасӣ ба Китобхонаи миллии электронии Тоҷикистон

1.1 Танзимгари низоми иттилоотии «Китобхонаи миллии электронии Тоҷикистон», ки муассисаи давлатии «Китобхонаи миллии Тоҷикистон» (минбаъд «Китобхона») мебошад, ба хотири дастёбӣ ба хазинаи «Китобхонаи миллии электронии Тоҷикистон» (минбаъд КМЭТ), шахсони воқеиро (минбаъд «Истифодабаранда») барои истифода бурдан аз захираҳои иттилоотӣ ва хизматрасониҳои «Китобхонаи миллии электронӣ», аз ҷумла сомона www.kmt.tj ё www.nlt.tj (минбаъд Сомона) дар асоси шартҳои дар ҳамин Қарордод (минбаъд Қарордод) зикршуда даъват менамояд.

1.2. Қарордод аз лаҳзае, ки Истифодабаранда бо тартиби пешиниҳоднамудаи банди 1. 3 Қарордод ба шартҳои он ризоият медиҳад, қувваи ҳуқуқӣ пайдо мекунад.

1.3. Истифодабаранда бо истифода кардан аз КМЭТ ба шартҳои қарордод пурра ризоиятдода ҳисобида мешавад.

1.4. Дастрасӣ ба КМЭТ барои Истифодабаранда ройгон аст.

1.5. Дастрасӣ ба асарҳое, ки бо ҳуқуқи муаллиф муҳофизат мешаванд, танҳо баъди ба сомона сабти ном гардидани Истифодабаранда сурат мегирад.

1.6. Истифодабаранда барои коркард ва нигаҳдории маълумоти шахсӣ, ки ҳангоми ба сомона нонавис шудан бо мақсади риояи ҳамин Қарордод ба Китобхона додааст, ризоият медиҳад.

1.7. Истифодабаранда барои амалҳое, ки ба истифодаи асарҳои таҳти ҳимояи ҳуқуқи муаллиф ва дигар қонунҳо марбутанд, аз ҷумла агар ин гуна амалҳо ба нақзи ҳуқуқу манфиатҳои қонунии шахси сеюм оварда расонанд, дар назди шахси сеюм ҷавобгар мебошад.

1.8.Китобхона ҳуқуҳ дорад ҳар вақт ва бе огоҳии қаблӣ ба Қарордод тайир ё илова ворид намояд. Дар ин сурат таҳрири нави Қарордод аз замони ба Сомона ҷой додани он қувваи ҳуқуқӣ пайдо мекунад. Баъди аз тарафи КМЭТ ворид кардани тағйирот ё иловаҳо агар Истифодабаранда истифодаро давом диҳад ба шартҳои таҳрири нави Қарордод розишуда ҳисобида мешавад.

Истифодабаранда уҳдадор мешавад:

-- ҳангоми дар Сомона сабти ном шудан ба шакли пешниҳодшуда ба саволҳо маълумоти муътамад ва пурра пешниҳод намояд ва ин маълумот дорад;

- асарҳоеро, ки тибқи шартҳои Қарордод ба даст меорад, танҳо ба мақсадҳои шахсӣ истифода барад;

- дастрасӣ ба КМЭТ-ро, ки тибқи Қарордод ба ў дода шудааст, ба шахси сеюм вогузор накунад.

Китобхона ҳуқуқ дорад:

- дастрасии Истифодабарандаро ба КМЭТ мањдуд ё манъ кунад, њамчунин нисбати Истифодабарандае, ки шартҳои Қарордод ё муқаррароти қонунҳои амалкунандаи ҶТ-ро вайрон мекунад, чора бинад;

- ба ҳамин Қарордод ба таври яктарафа тағйирот ворид кунад;

- бо салоҳдиди худ бе ҳеҷ гуна огоҳии махсус ба Сомона тағйирот ворид намояд.

1.9. Китобхона барои ҳар гуна хисороте, ки дар дар натиҷаи истифодабарии Истифодабаранда ба захираҳои иттилоотӣ ва хизматрасониҳои КМЭТ ворид мешавад ва ё ин истифодаро ғайриимкон мегардонад, масъулият бар дӯш надорад.

1.10. Дар сурати миёни Истифодабаранда ва Китобхона оид ба масъалаҳои дар ҳамин Қарордод пешбинишуда сар задании баҳсҳо Тарафҳо барои бо роҳи гуфтушунид ҳал кардани он тамоми чораҳоро роҳандозӣ мекунанд.

1.11. Дар сурати дар рафти гуфтушунид ҳал нагардидани масъалаҳои баҳсталаб баҳсҳо дар суди маҳалли Китобхона ҳал карда мешавад.

1.12. Дар дигар ҳолатҳое, ки ҳамин Қарордод пешбинӣ накардааст, Тарафҳо муқаррароти қонунгузории Ҷумҳурии Тоҷикистонро ба роҳбарӣ мегиранд.